Kosova
Mbyllja e Postës serbe/ Sveçla u tregon forcën ndërkombëtarëve
Ministri i Punëve të Brendshme të Kosovës, Xhelal Sveçla, ka mbrojtur aksionin e autoriteteve të Kosovës të ndërmarrë më 5 gusht, kur u mbyllën nëntë degë të Postës së Serbisë në veriun e Kosovës, të banuar me shumicë serbe.
Gjatë një vizite në Mitrovicë të Veriut, Sveçla u pyet nga gazetarët për aksionin, i cili u kritikua nga Shtetet e Bashkuara dhe Bashkimi Evropian.
“Çfarë janë duke bërë institucionet e Kosovës është shumë normale. Ato nuk kanë pasur licencë”, tha Sveçla.
Një ditë më parë, nga Policia e Kosovës thanë se aksioni u zhvillua pas informatës së pranuar nga Autoriteti Rregullativ i Komunikimeve Elektronike dhe Postare (ARKEP) se në territorin e Kosovës po operojnë operatorë ekonomikë pa licencë dhe që nuk janë të regjistruar në Agjencinë për Regjistrimin e Bizneseve në Kosovë (ARBK).
Autoritetet mbyllën nga tri objekte në Mitrovicë të Veriut dhe Leposaviq, në Zveçan dy, dhe një në Zubin Potok.
Bashkimi Evropian e kritikoi aksionin, duke thënë se ishte një veprim i njëanshëm dhe i pakoordinuar i autoriteteve të Kosovës. Edhe Shtetet e Bashkuara thanë se janë “thellësisht të zhgënjyera” për mbylljen e degëve të Postës së Serbisë.
Ukraina: Raketa e re ruse arriti shpejtësinë mbi 13.000 kilometra në orë
BE-ja e re me premtime të vjetra/ Fut ujë strategjia për antarësim në Union
Kaosi mediatik mbi tragjedinë e “Fan Nolit”
MARATONA PA FUND/ Thomas Countryman shpreh pesimizëm për Kosovën dhe Serbinë
Dumani: Prokurorë të SPAK janë kërcënuar. Krimi i organizuar shqiptar, shumë i rrezikshëm
ZHGENJIM E PASIGURI/ Philip Reeker flet për pafundësinë e dialogut mes Kosovës dhe Serbisë
HIQEN SANKSIONET/ Xhavit Haliti gjen fajtorin dhe cakton datën
