Selin Bollati “dënon” gratë në videot intime të Adi Hilës: E dinin që ishte i martuar…

Publikimi i videove intime të disa personazheve të njohur të ekranit u bë pjesë e debatit në emisionin “Goca dhe Gra”, ku Selin Bollati dhe Orinda Huta shfaqën qëndrime të ndryshme lidhur me mënyrën se si shoqëria i trajton raste të tilla.

Gjatë diskutimit, Selin solli në vëmendje rastin e Beatriks Ramosajt gjatë pjesëmarrjes së saj në “Big Brother VIP”, duke kujtuar kritikat e shumta që ajo mori në atë periudhë për historinë e saj të dashurisë brenda shtëpisë.

Sipas Selinit, shoqëria shqiptare shpesh aplikon standarde të ndryshme në raste të ngjashme dhe nuk i trajton personazhet në të njëjtën mënyrë.

Orinda Huta, nga ana tjetër, kundërshtoi paralelizimin mes dy situatave. Ajo argumentoi se fakti që Beatriks Ramosaj u kritikua në atë kohë nuk justifikon përsëritjen e të njëjtës sjelljeje ndaj grave që janë përfshirë në publikimin e videove intime.

Debati u zgjerua më tej te përgjegjësia e personave të përfshirë në marrëdhënie, ndërsa në bisedë u përmend edhe rasti i kompozitorit Adi Hila.

Pjesë nga debati:

Selin: Kujtojmë rastin e Beatriks kur u kryqëzua pafundësisht në “Big Brother”. Jemi shoqëri hipokrite, nuk i trajtojmë të gjitha situatat njësoj. Betatriks në atë rast u kryqëzua dhe nuk u la gjë pa u thënë. Ndërsa për këto gra nuk duhet të themi gjë se nuk bie morali tek ato.

Orinda: Nuk mund t’i paralelizojmë, se kryqëzuam Beatriks nuk mund t’a bëjmë edhe tani, a nuk kemi të drejtë të ndryshojmë?

Selin: Duhet të jemi si parimet e kulturës sonë

Orinda: Nuk është vijë e drejtë jeta

Selin: Nuk mund të bëhemi mendje hapur deri në ekstrem

Orinda: Pse duhet të gabojmë me këto gra?

Selin: Nuk po themi që ti kryqëzojmë, përgjegjësia të ndahet, duhet të mbajnë përgjegjësi. Që janë pala e tretë në një marrëdhënie. Sipas bashkëshortes së Hilës, ka qenë një familje e mirë, nuk kanë qenë të ndarë. Me informacionet që kam, bashkëshortja e zotit Hila po i qëndron shumë afër në këto momente.

Orinda: Ndoshta se marrëdhënia mund të jetë ndërtuar e tillë, nuk mund të futemi në shtëpi.

Selin: E kam dëgjuar shumë se është gabim, po nuk janë në moshën e adoleshencës ta quash gabim. Po flasim për një zotëri që është 56 vjeç.

Ori: Është i sëmurë ai personi.