VIDEO/ Pique mes lotëve largohet nga Barcelona

Gerard Pique luajti ndeshjen e tij të fundit në futbollin profesionist sot (e shtunë) mbrëma, duke i dhënë fund karrierës së tij të shkëlqyer pas përballjes së Barcelonës në La Liga kundër Almerias.

Ndeshja e Barcelonës ndaj Almerias, e cila u mbyll me fitoren e vendasve 2-0, nisi e gjitha nën vëmendjen e pensionimit të Piques.

Pique doli në fushë së bashku me dy djemtë e tij, Milan dhe Sasha, në një natë që familja e tyre nuk do ta harrojë kurrë.

Ai u prit me duartrokitje dhe ovacione nga të gjithë të pranishmit që thërrisnin emrin e tij pa ndërprerë.

Ndërkohë, lojtarët e Barcelonës dolën nga tuneli i Camp Nou të veshur me fanella ‘Pique 3’ në nderim të shokut të tyre të skuadrës i cili doli në pension.

Zëvendësimi mes lotësh
Pique u zëvendësua në minutën e 83-të dhe pas duartrokitjeve të shumta, ai shpërtheu në lot gjatë daljes nga loja.

Pique përshëndet të gjithë pas paraqitjes së tij të fundit
Mbrojtësi mes emocionesh u tha lamtumirë tifozëve të Barcelonës në paraqitjen e tij të fundit si lojtar, pasi u zëvendësua në minutën e 83-të.

Lojtarët e Barcelonës hedhin Piquen në ajër
Pas vërshëllimës së fund të gjyqtarit, Pique u hodh në ajër nga bashkëlojtarët dhe shokët e tij.

La Liga falënderon Gerard Piquen
Kishte gjithashtu një prekje klasi nga La Liga, e cila gjatë transferimit vendosi një mesazh ‘faleminderit’ për mbrojtësin.