E PAPRITUR në ‘Sanremo 2023’, këngëtari shkatërron lulet në skenë, salla e shan

E paplanifikuar në Festivalin e Muzikës Sanremo 2023. Blanco, në mes të performancës filloi të shkatërronte aranzhimet me lule në skenë, duke i shkelmuar dhe më pas duke i hedhur dhe thyer ato.

“Nuk e dëgjova dot në kufje’ u justifikua në fund i riu, ndërkohë që salla filloi ta shante. Ai shtoi: Unë u argëtova njësoj”.

Blanco kishte performuar edhe më parë me Mahmood duke kënduar “Chills” me të cilën fituan edicionin e vitit të kaluar. Më pas ai u kthye në skenë për të kënduar këngën e tij të re, “L’isola delle rose”. Dhe aty ndodhi ngjarja e papritur. Këngëtari i ri ishte mërzitur nga problemet teknike që nuk e lejonin të dëgjonte zërin e tij në kufje dhe për rrjedhojë të këndonte saktë.

“Ke bërë rrëmujë”, i tha Amadeus, i cili u përpoq të qetësonte situatën ndërsa publiku protestonte. Dirigjenti e quajti gabimisht Blanco me emrin Salmo. “Nëse dëshironi, mund ta këndoni sërish në fund të mbrëmjes”, propozoi ende Amadeus. “Me kënaqësi edhe unë këndoj vetëm”, iu përgjigj Blanco përbuzjeve të publikut duke thirrur “budalla”. Më vonë, Amadeus tha se Blanco nuk do të këndonte më sepse “kushtet nuk ishin”.