EMRI/ Motori doli nga rruga dhe u përplas me trafikndarësen, humb jetën shoferi

Një aksident me pasojë vdekjen ka ndodhur pasditen e sotme në Korçë. Mësohet se aksidenti ka ndodhur në fshatin Bulgarec të Korçës, ku një motor ka dalë nga rruga.

Drejtuesi i tij Sokrat Shkëmbi ka humbur kontrollin e motorit dhe është përplasur me trafikndarësen. Drejtuesi është dërguar në spital për të marrë ndihmë mjekësore, por për shkak të plagëve të shumta ai ka humbur jetën . Në vendngjarje ka shkuar policia së bashku me grupin e hetimit për të bërë të mundur zbardhjen e ngjarjes.