“Me hidhërim të thellë…”/ Ndarja nga jeta e Bogdanit, bashkëshortja bën postimin prekës

Ditën e sotme ndërroi jetë pas një infarkti në zemër ish-deputeti i PD-së Gerti Bogdani. Bogdani ishte babai i dy vajzave dhe bashkëshorti i aktivistet Edlira Çepani. Ai vitet e fundit ishte tërhequr nga politika aktive, për sfida të reja, të cilat u ndërprenë në mes për shkak se zemra e tij pushoi së rrahuri para kohe.

Bashkëshortja e zotit Bogdani njofton detajet e përcjelljes për në banesën e fundit të partnerit të saj. Në një njoftim Edlira Çepani njofton se homazhet dhe ceremonia e lamtumirës, do bëhen ditën e nesërme në Sallën e Seancave Plenare të Parlamentit të Shqipërisë, nga ora 10:00 deri në orën 12:00 kur do të përcillet për në banesën e fundit.

“Me hidhërim të thellë, njoftojme humbjen e parakohshme të babait dhe bashkëshortit, Gert Bogdani, ju njoftojmë se homazhet dhe ceremonia e lamtumirës, do bëhen ditën e nesërme dt. 19 Shtator 2024, në Sallën e Seancave Plenare të Parlamentit të
Shqipërisë, nga ora 10:00 deri në 12:00 dhe varrimi do të bëhet më pas në varrezat e Sharrës.”, thuhet në njoftim.