Matematika e raketave/ Iranit i kanë mbetur më pak se një mijë

David Petraeus ishte kreu i Centcom, komandës qendrore amerikane për Lindjen e Mesme, midis viteve 2008 dhe 2010, kur Shtetet e Bashkuara hartuan planin për të shkatërruar programin bërthamor të Iranit, ndërsa Donald Trump ishte në Dhomën e Situatave, tha se kishte kuptim që presidenti amerikan të “amplifikonte ultimatumin e tij” dhe t’i jepte Iranit “një shans të fundit: të hiqte dorë plotësisht nga programi i tij bërthamor duke i dhënë akses të plotë inspektimeve nga Agjencia Ndërkombëtare e Energjisë Atomike, ose SHBA do shkaterronte mali e Fordow”.

Po sa gjatë mund ta vazhdojnë Irani dhe Izraeli këtë luftë rraskapitëse? Sa raketa ka Irani dhe sa rezerva mbrojtjeje anti-raketore ka Izraeli?

«Matematika e raketave» është një nga pyetjet më të mëdha tani. Sa raketa dhe lëshues raketash kanë mbetur në Iran? Dhe sa interceptorë ka për sistemin anti-raketor të Izraelit, si dhe për sistemet amerikane në rajonin e Lindjes së Mesme dhe për sistemin Thaad në tokë në Izrael? Duket se Irani ka humbur një të tretën deri në gjysmën e lëshuesve të raketave dhe i kanë mbetur më pak se një mijë raketa. Shpërthimet e tij janë më të vogla me çdo lëshim dhe humbet lëshues çdo ditë, por me 5-10% të raketave të tij që godasin objektivat në Izrael, ky është padyshim ende një kërcënim i rëndësishëm. Megjithatë, ndjesia ime është se, veçanërisht duke pasur parasysh asetet shtesë detare amerikane që po vijnë në rajon, interceptorët izraelitë dhe amerikanë do t’i mbijetojnë raketave iraniane…» – deklaroi David Petraeus.

Pyetje: Izraeli thotë se Irani tani ishte shumë afër një arme bërthamore, por duket se inteligjenca amerikane kishte informacione të ndryshme. A ekziston edhe një lloj lufte e brendshme inteligjence brenda Shteteve të Bashkuara për këtë çështje, siç ka ndodhur shpesh para luftërave të mëdha, përfshirë pushtimin e Irakut?

“Jo, mendoj se ka rëndësi se si bëhet pyetja dhe kjo shpesh nënvlerësohet. Çështja është se ekziston një ndërgjegjësim i përhapur – bazuar në informacionin e publikuar publikisht nga IAEA (Agjencia Ndërkombëtare e Energjisë Atomike) – se Irani po bën përparim drejt aftësisë për të prodhuar armë bërthamore, duke rritur vazhdimisht sasinë e uraniumit të pasuruar shumë në zotërim të tij, dhe se aktualisht ka mjaftueshëm për të prodhuar 9 bomba. Pasurimi i mëtejshëm i uraniumit të pasuruar shumë në nivelin e nevojshëm për një armë do të merrte një kohë relativisht të shkurtër, dhe Irani ka zhvilluar aftësinë për ta bërë këtë. Prandaj, Irani është shumë më afër potencialit për të pasuruar uraniumin në nivelin e nevojshëm për një armë dhe më pas për të ndërtuar një pajisje bërthamore sesa ka qenë ndonjëherë më parë.”