Kalimash/ 37-vjeçari humb jetën, i përmbyset kamioni teksa po shkarkonte krom

Një 37-vjeçar dyshohet të ketë humbur jetën në mënyrë aksidentale në karrierat e kromit në Kalimash.

ABC News mëson se 37-vjeçari ishte duke manovruar për shkarkimin e kamionit me mineral kromi, por ka humbur kontrollin.

Për pasojë, kamioni është përmbysur duke i shkaktuar vdekjen 37-vjeçarit. Në vendngjarje kanë mbërritur grupet e ekspertëve të policisë për të hetuar dhe përcaktuar shkaqet e ngjarjes.

/abcnews.al